مدونة التخرج the end
مرحبا اسمي هاجر ، ،
هدفي من بداية التحدي هوا (الانكليزي)
بس اصلا قبل التحدي انه ادرس انكليزي بس مامستمره يعني ع المزاج ادرس وهيه لازم ضروري اتعلم الها لان هواي برامج مقدمه عليها وانه ماضابطه الانكليزي 100% 💔 (:
بس من دخلت للتحدي استمريت نوعا ما لان اكو مدونات واستماير (صار غصبن علي ادرس)
😂😂😂😂
ف شنو من استمريت ضليت اشوف اللغه الانكليزيه سهله بس لازم بالاستمرار وقفلت الا اضبطها حتى احجي وي غيري بطلاقه وضليت اكول ليش مااحجي مثلهم😂😂😂ضليت اقارن نفسي بغيري 🥴😂
الصراحه قفلت الا اضبطها وهسه وبعدني جاي احاول اضبطها . صحيح مرات اسخت بس اكول هم تسخيت وهم ريست الي (كلاوات)
اي المهم نرجع لموضوعنا ، الصراحه جانت تجربه كلش حلوه انو دخلت للتحدي وتعرفت ع هواي ناس بكدي واكبر مني وبمختلف المحافظات وجان اغلبهم اسلوبهم حلو ويعكسون صورة محافضتهم بصوره كلش حلوه والصراحه انه همين حاولت اغير نضرة بعض الناس عن البصره .
وبنفس الوقت كلش تونست خلال ال29 يوم هاذ وواحد تعرف ع الثاني وتبادلنه حسابات الانستكرام وواحد ضاف الثاني (كونه صداقات) .
اي ف نرجع لموضوعنا ثاني مره اكولها😂
انه بلنسه الي شفت هوايه فرق من دخلت للتحدي وكلش حاولت اطور نفسي اكثر واكثر
وهمين شفت هواي فرق قبل ال29 يوم وبعده ال29 يوم
.
.
وبس ماعندي شي بعد اكوله وشكرا ع القراءه
وطبعا فريق مرتضى اللطيف الي ماعرف منه بس نور و ريهام ، ونور كلش شخص حباب ولطيف .
تعليقات
إرسال تعليق